الرئيسية
دي واحدة طالبة عريس
لي ايدينا دوام بنرفع ** و العازب كلو بيسمع
نفوسنا دوام مشتاقة ** للراعي دوام نتضرع
شعارنا عريس متواضع ** ياخي يا قادر اسمع
نحن البايرات في لهفة ** و العمر ولي وودع
نجن مساكين يا جماعة ** و للجنة دوام نتطلع
لو واحد قام و إتقدم ** في لحظة نلبي و نسمع
بلاش عربية خصوصي ** مالو الكداري دا هسع
بلاش من شبكة و شيلة ** بي أبسط حاجة بنقنع
ما شرط تجيب تلاجة ** كفاية الزير البنقع
ما دايرين كبدة و شية ** بي ويكة تقيلة بنشبع
ما أصلو شبابنا الودع ** ما ممكن تاني بيرجع
دايرين الشاب الأغبش ** حتي لو فقران و مقطع
لانو الفيهو الفايدة ** ليهو دوام نتطلع
للرب شكوانا بنرفع ** و الباير كلو بيسمع
في دربك يا جرينا ** و العين الساهرة بتدمع
كم مرة ايدينا اتمدت ** و الرد الجارح أقنع
أحلامكم و الله غريبة ** للعين تزغلل وتزلع
طلباتكم لينا تحير ** جايين تتواضعو هسع
ما جينا زمان شن قلتو ** يا فقير يا مقطع ارجع
ما عندك حق السفه ** لابس دمور ومرقع
دايرين العندو مصانع ** لي غيرو بيركع
في جيوبك ساكنة عناكب ** لو كان باعوك ما بتنفع
دايرين العندو الفله ** لو كان حنكوش و مدلع
ما جينا زمان شن قلتو ** يا فقير يا مقطع ارجع
لو ماشي لآخر الدنيا ** تركب رجليك تتبرطع
دايرين العندو البنز ** لو كان عجوزا اصلع
يا البيتك منبي ** و من غير فيضان يتزعزع
دايرين العندو الفيلا ** لو كان صغير بيرضع
دايرين زنقيل و مقندل ** لو كان تمساحا يبلع
و العملة الحرة ضروري ** و المهر دولارا يدفع
وذهبا مختوم و أساور ** و الايد مليانة للأصبع
ونقضي عسل في اوروبا ** و نطوف العالم أجمع
ما جينا زمان شن قلتو ** يا مبهدل اوعك تطمع
لي مين تتقدم انت ** يا قرد يا قبيح يا مبرقع
كيفن بتحب يا أغبش ** من غير شاكوش تتفرقع
لو كان بنحب الزيك **ما أخير الموت الاسرع
ما قلنا الدنيا دي فانية ** و آمالنا مظاهر تخدع
قلتو خلاص انتظرو ** الحور في الجنة بتنفع
الليلة قطركم صفر ** و العمر ولي وودع
عجزتو قعدتو تقولو ** واشبابنا الأغبش اجدع
ما جينا زمان ليه كنتو ** جاهلننا زي الشفع
ما خلاص الليله وقعتو ** من قد القفة الاوسع
و الليله قطركم دور ** و وقعتوا في وش المدفع
رافعين الراية البيضا ** لكن هيهات ما بتنفع
و هنيا ليكم كبدة و شية بعد الاضراس تتخلع
هيع !
لي ايدينا دوام بنرفع ** و العازب كلو بيسمع
نفوسنا دوام مشتاقة ** للراعي دوام نتضرع
شعارنا عريس متواضع ** ياخي يا قادر اسمع
نحن البايرات في لهفة ** و العمر ولي وودع
نجن مساكين يا جماعة ** و للجنة دوام نتطلع
لو واحد قام و إتقدم ** في لحظة نلبي و نسمع
بلاش عربية خصوصي ** مالو الكداري دا هسع
بلاش من شبكة و شيلة ** بي أبسط حاجة بنقنع
ما شرط تجيب تلاجة ** كفاية الزير البنقع
ما دايرين كبدة و شية ** بي ويكة تقيلة بنشبع
ما أصلو شبابنا الودع ** ما ممكن تاني بيرجع
دايرين الشاب الأغبش ** حتي لو فقران و مقطع
لانو الفيهو الفايدة ** ليهو دوام نتطلع
للرب شكوانا بنرفع ** و الباير كلو بيسمع
في دربك يا جرينا ** و العين الساهرة بتدمع
كم مرة ايدينا اتمدت ** و الرد الجارح أقنع
أحلامكم و الله غريبة ** للعين تزغلل وتزلع
طلباتكم لينا تحير ** جايين تتواضعو هسع
ما جينا زمان شن قلتو ** يا فقير يا مقطع ارجع
ما عندك حق السفه ** لابس دمور ومرقع
دايرين العندو مصانع ** لي غيرو بيركع
في جيوبك ساكنة عناكب ** لو كان باعوك ما بتنفع
دايرين العندو الفله ** لو كان حنكوش و مدلع
ما جينا زمان شن قلتو ** يا فقير يا مقطع ارجع
لو ماشي لآخر الدنيا ** تركب رجليك تتبرطع
دايرين العندو البنز ** لو كان عجوزا اصلع
يا البيتك منبي ** و من غير فيضان يتزعزع
دايرين العندو الفيلا ** لو كان صغير بيرضع
دايرين زنقيل و مقندل ** لو كان تمساحا يبلع
و العملة الحرة ضروري ** و المهر دولارا يدفع
وذهبا مختوم و أساور ** و الايد مليانة للأصبع
ونقضي عسل في اوروبا ** و نطوف العالم أجمع
ما جينا زمان شن قلتو ** يا مبهدل اوعك تطمع
لي مين تتقدم انت ** يا قرد يا قبيح يا مبرقع
كيفن بتحب يا أغبش ** من غير شاكوش تتفرقع
لو كان بنحب الزيك **ما أخير الموت الاسرع
ما قلنا الدنيا دي فانية ** و آمالنا مظاهر تخدع
قلتو خلاص انتظرو ** الحور في الجنة بتنفع
الليلة قطركم صفر ** و العمر ولي وودع
عجزتو قعدتو تقولو ** واشبابنا الأغبش اجدع
ما جينا زمان ليه كنتو ** جاهلننا زي الشفع
ما خلاص الليله وقعتو ** من قد القفة الاوسع
و الليله قطركم دور ** و وقعتوا في وش المدفع
رافعين الراية البيضا ** لكن هيهات ما بتنفع
و هنيا ليكم كبدة و شية بعد الاضراس تتخلع
هيع !
