سرحة في شكل شرخة

mr:monty: عدد المساهمات : 47
تاريخ التسجيل : 07/11/2010
العمر : 30

مساهمة رقم 1

سرحة في شكل شرخة

من طرف mr:monty الأحد نوفمبر 14, 2010 10:29 am

شاشه كبيييييييره بتاعت اعلانات عارضين فيها اعلان عن منتج شكلو مهم جدا لانو بعيدو الاعلان دا كل 5 دقائق
كنت فى طريق عودتى الى المنزل بعد ان نزلتا فى محطه شواادى فى ودنوباوى او محطه ود البصير سابقا
لم اتردد فى الوقوف هذه المره لمشاهده الاعلان مره اخرى لكى اعيد التركيز فى مجرياته
شاباسمر لابس بدله شكلو قاعد فى مكتبو فى الشغل الكاميرا تبداء بتصوير الرجلمن الخلف ضؤ شاشاه الكمبيوتر كان هو الضؤ الوحيد الفى المكتب المظلم.....يرجع الشاب ظهره للوراء محاولا ان يطقطق ضهرو وجهه العابس يدل علىالتعب والارهاق من جراء العمل والبحلقه فى اسعار البورصه السودانيه فىشاشه النت
صوت مراقب العمل يدوي فى الارجاء لانو كان بكورك
ياهاااانى ركز فى الشغل مافى زمن لى التطقطق وبسرعه خياليه يعيد هااانىالنظر فى شاشه الكمبيوتر ....خلسه يخرج من جيبه كيس مملؤ بفتات اسود وفىسرعه غريبه يرجع الكيس فى جيبه ويضع القليل منه في فمه
يشرع بالراحه والنشاط فى ذات الوقت
تختفى صوره الشاب ويبداء صوت فى التحدث صوت راجل مصرى
صعوط الهناء
ما بيكشكش
سريع التدردم
مفعول سريع على اى وزل
سف سفه وحتسبش صعوط الهناء

والان صعوط الهناء بنكهه الفراوله
عشان يصلك صعوطك وانتا فى حتتك اتصل على 199
...
لم اعر للاعلان اى اهتمام واخذت اكمل المسيره للبيت ....رن جرس التلفون واذا به سامر
الو
ازيك يا سودانى
تماام والله
اسمع انتا وين
والله اسى نزلتا من المترو فى محطه بيتنا
اسمع محمد وعلى قالو جايين من كندا اسى وراجعين تانى بكره ومافى زمن عشان كده قالو نتلافا فى شارع المطار
يا سامر والله تعبان وماقادر انتو تعالو امدرمان
لالا لازم تجى وقفل السماعه
احىىىى انا من الشباب ديل غايتو ما يخلوك تاخد راحتك كلو كلو
الساعه اسى سبعه ونص يعنى لو ركبتا المترو تانى بحصل محطه المطار بعد 7 دقايق
والناسديل لكن ما عارف بصلو الساعه كم وبسرعه اعدت فتح موبايلي وخشيت فى موقعالخطوط الكنديه لانو محمد وعلى ما بجو الا بى الكنديه ....طيب مواعيدالرحلات ....كندا السودان ...بتهبط الساعه 8 يعنى انا عندى نص ساعه امشىاشرب لى فيها كبايه جبنه
نزلتا تحت الارض عشان اشرب كبايه قهوه عشان بتساعدنى اسند طولى لحدى ما نلاقى الشباب ديل
واهوجنب المحطه لقيت فى كميااااات ستات شاى الليكترونيات يعنى انتا بس عليكتدخل القطعه المدنيه فى جهاز الجبنه وتختار من الاوبشن نوع جبنتك
تقيله
خفيفه
جنزبيل
بهارات
سكر تقيل
سكر خفيف
....الخ
تبقى لى بعض القطع النقديه ولمحتا هناك احدى نقاط البيع للصعوط الهناء الشفتا دعايتو قبيل
اتجهت مباشره لى هناك واشتريت 4 اكياس لى محمد وعلى اتنين بى نكهه الكاكاو واتنين بى نكهه الفراوله
اعدت النظر للساعه ولقيتها عامله 8 الا عشره
عشان ما اتاخر لازم اركب القطر الجاى
.
.
يتبع

mr:monty

mr:monty: عدد المساهمات : 47
تاريخ التسجيل : 07/11/2010
العمر : 30

مساهمة رقم 2

رد: سرحة في شكل شرخة

من طرف mr:monty الأحد نوفمبر 14, 2010 10:29 am

وبعد عناء طويل وجدت احدى المقاعد الشاغره فى احدى مقطورات المترو الخلفيه
اضاءات فى اعيني انوار مدينه الخرطوم بعد ان قطع المترو الضفه الاخرى من النيل
ياااااااا لها من مدينه جميله
كنت اردد ذلك باستمرار لولهى الشديد ب الخرطوم سيتي لاند
وبمقربه منى سمعت صوت ينادى
يا ابن العم ....يا ود الخاله ...يا اخو
التفت بجانى لمصدر الصوت القادم
شاباصفر طويل البنيه يغطى شعر لحيته معظم اجزاء وجهه العابس وبعد بحلقه دامتالدقيقه لم اتعرف عليه ولكنه مازال يؤكد لى اننا اللتقينا فى مكان ما نعماننى متاكد تماما كما اراك الان
لكن والله ماعرفتك
اسمع انتا قريت فى جامعه السودان
اى
اتخرجت متين
انا الدفعه 2004 هندسه ميكانيكا
بسسسسسسسسسسسسس عرفتك انتا مش سوداني
اى
طيب ما اتزكرتنى
انا فخري بله كنتا فى مجموعه اللابات وقروب المساطيل معاك فى مجموعه واااحده
يااااااااااااااااااااااااااااااااااااااااااااااااه يا له من زمن طويييل
اعادتلى تلك الكلمات ثلاثون سنه مضت كنت على وشك نسيانها ولكننى اتذكر فخري ومنالصعب نسيان الفتى العريبي الذى كان مظهره البلدى يدعو للسخريه كان الشبابفى ذلك الحين يهتمون كثيرا بالمظهر والجل والسيستم وغير ذلك من انواعالموضه انذاك لكن فخري بله وهو الشاب القادم من الولايات حيث ان هنااكاختلاف كبير فى انواع الثقافات حيث انه كان من السهل التعرف عليهم لانمنظرهم البسيط وملابسهم التقليديه تدعوك للتعرف عليهم من اول وهله ولكنفخري كان شااب ذكى سريع البديهه يتفوق على الجميع فى الرياضياتوالانجليزيه التى كنا نعجز نحن ابناء المدينه من نطق الكلمات بالطريقهالصحيحه التى كان فخري يتحدث بها فكان محط انظار الجميع وكنا نلقبهبالخواجه الازرق
يااااااااااااااااااااااااا فكهري والله زمن وييييين انتا يا راجل وكيف صحتك واخبارك وامورك
am still breathing
يا فخري لسا ما خليت فلسفتك دى
اخذنا نتبادل اطراف الونسه والشمارات عن بنات واولاد دفعتنا
فلانه عرسوها وعلانه بت معمار طلقوها
وفلان داااك عمل ليهو شركه مبيدات حشريه وعلاان دااك قفل مصنع الطحنيه و عايش على المعوله الحكوميه الصينيه
اخذيحكى فخري عن ايام زمان حيث كنا نعيش فى امان وسلام ومافى اجانب وخواجاتماليين البلد زى اسى وطرقنا مواضيع عده عن ناس الحله والترابط الوثيق لىناس حلتك
ايييييييييه زمن يا فخري
لكن وييين الكلام دا كلو اسى ما اى حاجه راحت ودا زمن وولى

يتبع

mr:monty

mr:monty: عدد المساهمات : 47
تاريخ التسجيل : 07/11/2010
العمر : 30

مساهمة رقم 3

رد: سرحة في شكل شرخة

من طرف mr:monty الأحد نوفمبر 14, 2010 10:30 am

كمكانت فرحه على ومحمد باكياس صعوط ( الهناء ) كبيره عندما اخذ كل منهماكيسه وبحركه دائريه سريعه تمت (الدردمه)واليد الاخرى مشغوله برفع الشلوفهبارتفاع يتناسب طرديا مع حجم السفه ......كل ذلك وانا ارقب المشهد عن كثبوما ان انتهى حتى بادرته بالسؤال عن حاله واحواله والجديد شنو
اخذ يطرق فى الحديث عن عمله الذى ياخذ منه جل وقته حيث انه يعمل لدى احدى فروع شركه الفنجرى فى كندا
والفنجرىدا من كبارات البلد يحكى عن الفنرجى انه كان من المحظوظين الذين قررو ااكمال دراستهم فى الصين وسافر هنااك لى الصين بعد حب وتحانيس لانو ابوهوكان تاجر على قد حالو فى سوق امدرمان على الرغم من امتلاكه لمصنع ( طحنيه) متهالك وما كان بقدر يدفع لى ولدو قروش القرايه لكن ابوة توكل على اللهوباع بقراتو الفى البلد ومصنع ( الطحنيه) وادا القروش لى ولدو الذى هووبدوره سافر بعد اسبوعين بس ....كانت الحاله الاقتصاديه السودانيه انذاكتعانى من مشاكل عديده كنتا نتهم من دول العالم المجاوره بالكسل الاقتصادىالرخيم ...وطبعا كان رد الحكومه باننا دوله تعانى من ويلات الحروب وتكبدالدوله خسائر ماديه طائله ...وكان الشعب ايضا نايم نومه تقيله وكل ما تزيدسعر احدى السلع يواجه المواطنيين تلك الزياده بالصبر والسلوان كانهممودعيين الرقم الفقيد المستحيل يرجع تانى لانو الرقم الجديد حل محله.....عموما نرجع لى اخونا الفنجرى ذهب الفنجرى الذى كان ساخطا على السودانوكان دائما يردد قائلا تانى عينا تشوف السودان تنقدا .. كل هذا السخطوالبغض للبلد كان نصيب الاسد فيه لتجربته الرومانسيه المريره التي مر بهااثناء دراسته الجامعيه عندما تركته محبوبته الوحيده ( بت معمار ) لاولعريس مغترب تقدم لها خوفا من ان يفوتها القطار ولما كان للمغتربين انذاكمن( شنه ورنه) وكان الزواج بهم حلم يراود كل فتيات ذلك الزمان الاغبر حيثكثرت الشواكيش واصطف الشباب على عيادات الصحه النفسيه ..عموما ما عليناونرجع تاني لي حبيبنا الفنجري حيث ذهب الى الصين وبداء بدراسه اللغهالصينينه ....الفنجرى تعلم اللغه الصينيه فى خلال 3 شهور بس وفى سنه اخذشهاده (نيونق)لاتقانه للغه الصينيه واشتغل مع واحد سودانى فى مجال التصدير....وفى تلك الاثناء كان الوضع الاقتصادى السودانى يزداد فى السؤ الى انتمت الاتفاقيه الصينيه السودانيه التى كان لها الاثر الكبير فى النهضهالسودانيه انذاك وفى عام 1-1-2011
رجع الفنجرى للسودان فجاءه واشتغل معالمجلس الصيني الاعلى فى السودان كمترجم ويعد 7 سنه اصبح الفنجرى من اغنىاغنياء العالم وزى ما كانت بتقول الحبوبات (برى يا الفنجرى)وكانت تلكالعباره هى العباره المكتوبه فى اى منتج لى الفنجرى يعنى مثلا فىكمبيوترات شاحنات عربات جميع الادوات الكهربائيه بما فيها جميع انواع(ماكينات التصوير ) يوجد عليها طابع made in sudan ....bary ya al fanjare
وكانت الضربه القاضيه عندما تم افتتاح حقل تنقيب البترول فى كندا وبدعم يقدر بى 3 تريلون دولار مقدمه من مجومعه شركات الفنجرى
ومحمدوعلى كانو شغالين مهندسين فى احدى مواقع التنقيب فى كندا كم ابتسم لهمالحظ عندما جاءتهم رساله فى بريدهم الاليكترونى بمواقفه القائم باعمالالشركه فى كندا بعدم ممناعه الشركه عشان يجو يعملو انترفيو فى كندا وهماسى جايين ومبسوطيييييين لانو تم قبولهم
واخذو يشيدو باداء وكفائهالشركه هناك وانو اكتر من 70%من المهندسيين سودانيين قروا معانا فى جامعهالسودان وقدمو زيينا قبل سنتيين وقبلوهم مع انهم ما كانو عندهم الكفاءه بسالشركه بتطالبك تعمل كورسات لمده سنتين فى الصين فى مجال هندسه النفطوبعديين تشتغل فى الشركه
على مقاطعا حديث محمد
ونحنا اسى من دربنا دا ماشين الصين وبنجى السودان بعد سنه يعنى بعد اول اجازه انشاء الله
...............................

وفى طريق عودتى للمنزل سرحتا بعيييييييييييييييييييييييييييييييييييييييييييييييييد
وفكرتا فى كلام على ومحمد وانو انا ممكن اعمل زيهم
يعنى اطلع بره البلد
اخذت متناسيا تلك الافكار
اه لكن ما بخلى الوالده براها
ما انا البكر واخوانى الصغار لسه بيقروا وانا المسؤول عن الوالده والبيت مافيهو زول مع استمرار اغتراب الوالد بدول الخليج
وبعدين الوضع فى السودان بقى ميه الميه وما محتاج انو انا اسافر واغترب
بس نحنا الغربه بقت خلاااس لاصقه فى دمنا والزول ما برتاح الا يغترب
...............................

يتبع

mr:monty

mr:monty: عدد المساهمات : 47
تاريخ التسجيل : 07/11/2010
العمر : 30

مساهمة رقم 4

رد: سرحة في شكل شرخة

من طرف mr:monty الأحد نوفمبر 14, 2010 10:31 am

انهكنى التفكير واتعبتنى مجريات ومشاوير اليوم يا له من يوم شاق وطوييل
فتحت باب المنزل
واذا بالوالده واقفه ورافعه يدينها لى فوووق زى البتتعسم
يا والده السلام عليكم
وعليكمالسلام ____كنتا وين الليله بتاع الغاز جاب الفاتوره وقال علينا متاخراتوكان ما دفعنا الفاتوره بكره بقطعو مننا الغاز وانا يا ولدى الاكل بتاعالمايكروييف دا وجع لى بطنى الشهر الفات لمن قطعو مننا الغاز
يا امى بتتحلا انشاء الله
انتى الموقفك كده شنو
برى المره الفى التلفزيون دى قالت اعملو زى ما بعمل كدى وانشاء الله تانى ما بتجيكم عوجه فى ضهركم
لكن يا والده انا مش قلتا ليك ناس التلفزيون ديل كضابيين وبجيبو برامج بس عشان يملو بيها زمن الزمن
لكن ياولدى صفيه جارتنا قالت لى التمرين دا نفعها شديد ووروح ليها وجعها
واللهيا والده يا حليل ايام زمان كنتو بتتونسو فى مواضيع مختلفه جدا عن اسى عرسفلانه كااان مبالغه وتوب علانه شيلاهو شده من فلانه ومطقما بيهو زى الحقها
تتزكرى زمااااان والله كنتا بستمتع وانا بصغى ليكم بس اسى عملتوهاتمارين وتلفزيون وانترنت وباريتو لى موقع خجيجه نت وهنا دوت كوم واللهالحريم ديل حيغتسوا حجركم
هووى يا ولد انا ماناقصااك وما ناقصه نقتك القاديني بيها كل يوم
وقبل ان ادخل الحمام يا ود اضرب لى فهد خليهو يعمل لينا فول بى الف دلفرى
ما دايرين فول والله بطنا يبست منو واشتهيت لى لقمه من يدك
طيب اضرب لى مطعم لقمتنا وخليهو يعملها بى التقليه
يا امى شنو اضرب اضرب اضرب انا كان داير حاجه من بره كنتا اكلت بره لكن اشتهيت اكلك ما من يدك اطعم بى كتييير يا والده
سمح يا ولدى
مخاطبا نفسى _اصلو ما بتتحنكو الا كده-

تررررن ترررررن

وااااااااى انا من المنبه دا والله اشتريتو لى تعبى
تلككانت هى اول جمله تعودت على ان اقولها فى كل صباح وبعدها بقوم اشوف باقىامورى الحمام وحلاقه الذقن والشاى والونسه الصبااحى مع الوالده
والمووضوع اليومي اللازم نتكلم فيهو انا والحاجه هو العرس
ياولدى والله شبيتك العاجباك البى الجنبه دى والله كان ما لقيت ليك بت حلالراااسك دا كلو بتملى من الشيب يا ولدى والله المره بتشيل معاك وتخت معااكوتشيل منك همومك اسى عليك الله المانعك شنو ما الحمد لله حااالنا....مقاطعا اياها
والحمد لله ممكن اجيب العفش من الشركه بى التقسيط المريح على دفعات تدوم ال10سنه
ولو حنو على حالى بعفونى لله والرسول وانا يا حاجه زى ماقلتى حلااتى يعنى ما بتعيب لكن يا والده ......هى وينا..
الوالده:هى منو
العروس يا والده اها السلام عليكم انا اتاخرتا

طوالىمن البيت لى محمد فردتى طبعا قد تعودت انا ومحمد ود حلتنا ان نجلس جلسهصبااحى كده قبل الشغل ....محمد 53 سنه خريج جامعه السودان هندسه مدنيه,,,,,عااااااااااااااطل وبيعيش على المعونه الحكوميه...........اسم الشهرهودسطله
الو ابو حميد افتح الباب دا انا ماعندى رصيد
يفتح محمد الباب
اووووو يا زعيم اتفضل معليش بس كنتا فى الحمام حمام صباح وكده
لالا ما مشكله
مالكالليله كده وشك ما عاجبنى كده اتفضل لى جوووه انا الليله جايب ليكاصطباحيه من طه جبرتى .....والله حتضبطك يا فرده انا امبارحا................مقاطعا ايااااه هوووووووووى شنو ما صدقتا وانفتحتا فىالكلام كدى خليني اخش وبعدين اشتغل فى نقتك دى لاااااااااا حول الله
.
.

يتبع
بقت صعبه خلاص دايرين معونه حكوميه

mr:monty

mr:monty: عدد المساهمات : 47
تاريخ التسجيل : 07/11/2010
العمر : 30

مساهمة رقم 5

رد: سرحة في شكل شرخة

من طرف mr:monty الأحد نوفمبر 14, 2010 10:31 am

واناداخل علي الصالون كدا التلفون ضرب ...فهد يتصل..قلت سبحان الله جبنا سيرةالقط ضرب ينط ..اوووووووووووو ويين يا حبيبنا صحتك واحوالك.؟؟
ازيك يا ياخي..انا تماام والله و المطاعم ماشة زي العسل
قالو لي عملتا فروع في كوستي و الابيض بعد ما مليت لينا العاصمة المثلثة
ااي والله الحمدلله ..غايتو الشغلانة ماشة تمام اها كيف الوالدة؟؟ ومالك ما سمعنا ليك سمح؟
والله يا ابو الفهود الوالدة بخيير وصحة ..يا زول سمح شنو التسمعو لسا ما لقينا الشريكة
محمد نطا من هنااك و شايل كبابة الموية:دا فهد؟ وييين الراجل دا ...يا فهد اخبارك ياخ؟ و مبرووك الافتتاحات الجديدة
اووووووووووووووو ابو حميد الريس والله ليك وحشة يا راجل و الله يبارك فيك
ياخ كمان مبروك الشبيل يا فهد ياخ سمعنا بالوليد ويتربا في عزكم انشالله
الله يبارك فيكم يا شباب و نحن لازم نتلم قريب انشالله انا حارجع الخرطوم بعد اسبوع كدا تحياتنا للجميع و السلام عليكم
يا سلاااااام يا عصام شايف الكفاح دا؟ هسي نحن لو عملنا زيو كان بقينارجال اعمال زي فهد دا
يا ابوحمييد اتكلم عن نفسك يا راجل..انا اهو احمد الله الشركة دي ماشة معاي زي الفل و زي ما بقولو بدينا نطلع في السلالم
اااااهيا زمن يا زول الحمدلله الشغل زاتو ما دايرو الحكومة دي معيشاني تب بس ماقادرين نجيب بت الحلال ما تكلم الوالدة تشوف لي معاك؟؟
حبيبنا انا باقي لي نص ساعة علي ورشة العمل حارجع سريع احصل لقمة الوالدة و من هناك حامشي الشغل..اشوفك بكرة في صالون الفكي

واناراجع علي البيت سرحت في موضوع الزواج البقا في لسان الناس و اي زول بسألنيوامي عايزة تفرح بي..ياااه الحياة صعبة جدا و البنات بقو صعباات الزمندا..ياا حليل بنات زمااان

يا حجة اللقمة طلعت؟ انا اتأخرتا
ااي مستنياك من قبيل تعال دخل يدك حتن امشي يا ولدي
يا سلااام تسلم يدك يا والدة و بالمناسبة كل سنة وانتي طيبة(بمناسبة عيد الام)
الله يسلمك يا ولدي
اها يا حجة انا طلعتا ...بعدين نشرب الشاي و نناقش موضوع الفواتير دا يللا سلاام
هي بسمالله الولد ما اكل زي الناس؟!!! الله يستر عليك

عاصمصلح ربطة العنق بي استعجال شديد و شال الشنطة و ماشي بخطواط سريعة تجاهسيارته الكوريلا 2009 ركب العربية و اثناء ما هو سايق كان مخو مشوش ومليون فكرة تخش و تطلع و في عز السرحة ديك التلفون ضرب .. هناء تتصل..طبعا من الهجمة حكا فرامل بس الحمدلله كان الشارع فاضي..
الو اهلييين هناء
كيفك يا عاصم مالك اتأخرت الورشة بدت؟!
اووه خلاص خمسة دقايق و اكون في المكتب
في اتظارك يللا سلام..
ختا التلفون في جيبو و زاد السرعة ولسوء حظو الاستوب بقا احمر
عاصم اكتشف انو اليوم داما يوم حظو وقفلت معاهو و راسو جاط شديد..
اخيرا وصل الشركة و دخل ورشة العمل و اندمج في الشغل و ما زال حظو العاثر يرافقه لما السكرتيرة قالت ليهو المدير عايزك في المكتب...

نفسي اتقطع..يللا يا عاصم ورينا المدير قال ليك شنو؟؟

mr:monty

mr:monty: عدد المساهمات : 47
تاريخ التسجيل : 07/11/2010
العمر : 30

مساهمة رقم 6

رد: سرحة في شكل شرخة

من طرف mr:monty الأحد نوفمبر 14, 2010 10:32 am

انتعارف يا عاصم انو الشركة الماليزية الصينية الكورية الكندية الالمانيةالمتحدة مقدمة عطاء عشان تعمل مشروع مترو (ج-ج) _اختصار لجوبا جبيت_ودايرة دراسة كاملة عن المنطقة ودايرة مهندس منفذ من عندنا هنا وكمان عارفانو المهندسة بت معمار اخدت اجازة امومة وانت براك عارف امور النسوانالماسخة دي عشان كده انا ح اكلفك بالمشروع ده.(يخرج علبة برنجي لايت منجيبه ويستل سجارة يشعلها ثم يمد العلبة لعاصم ).

*شكراياباشمهندس ما بدخن لكن انا يا باشمهندس ماسك مشروع البيت الابيض الجديدومشروع تأهيل برج بيزا الكان مائل ومهندس استشاري في مشروع كبريالاسكندرية قربص والشغل ده كده كتير علي شديد.

* انا لما قلت ليك الكلام ده عشان اضعك اما الامر الوافع ما عشان تناقشني .اما مهندسين قليلين ادب انقلع يلا على مكتبك شوف شغلك .

خرج عاصم وهو يطنطن:-
*(أ.د)و (د) الشغل معاك .انا شغال بي جاز ؟ ما بني آدم وبعدين بت معمار دي عشانامها وزيرة الطاقة وابوها ممثل السودان في الامم المتحدة وعندو حق الفيتويطلعوا بيها (د) كده ؟ان طاشي من البلد دي ياخ . ثم سرح لبرهة ان ما اشوفمحمد ده واسألوا من فهم السفرده شنوواستفــــــــــــــــ.....................

بردلبلب تل تيف

اصطدمعاصم بفتاه كانت شايلة ليها ورق مدخلاه للمدير والورق اتفرزع قام عاصمعامل فيها جنتل ولملم الورق ولما رفع راسو عشان يعتذر تسمر مكانه وسقطالورق مرة اخرى ، لملمت الفتاة الاوراق ثم نظرت لعاصم من فوق لتحت وقالت:-(ما عارف اكتبها كيف لكن بعملوها بلوية خشم كده ) امممسشسشسشسشست العتبعلى النظر ، كانت نظرتها في ظاهرها الاستهجان اما في باطنها فكان الاعجابوبداية التكسر.

ومازال عاصم واقف وملبوش لكن ليهوحق ،البت ما جاهلة نصاح ، مزة ونجفة ونجاضة وصاروخ واي حاجة وكانت مساعدةبت معمار في المشروع مهندسة صغيرونة وامورة ومبكية الجامعة كلها قصديالشركة كلها لكن هي رافعة اسكور على الناس وعاصم بالذات كان مشخت ليهالأنو مشغول لكن شكلو الليلة انتبه ليها وكيوبيد ضربهم بطلقتة (زمان علىايامنا كيوبيد كان عندو قوس وسهم هسي بقى عندو كلاش)
.
.
.
.
.
.
.
>>>>>>>>>>>>>>>>>>>>> 2 B CONTINUED
بختك يا عاصم ليه نحن ما بحصل لينا كده

شبكة شباب الجيل الثالث

سرحة في شكل شرخة

سرحة في شكل شرخة

رد: سرحة في شكل شرخة

رد: سرحة في شكل شرخة

رد: سرحة في شكل شرخة

رد: سرحة في شكل شرخة

رد: سرحة في شكل شرخة