الرئيسية
ما قبل الميلاد
*أوّل يوم فتحت فيهو عيني , سألت نفسي أنا وين قاعد ..
*لقيت نفسي قاعد (مكرفس) .. اليدين مكرمشات .. هدوم مافي .. الكوارع مكرفسة .. وحاجات تاني غريبة
*خرطوش بمبي كده طالع من بطني .. ماشي وين ما عارف !!
*المهم .. قدُر ما حاولت أمد كرعيني زي الناس .. يطقشو في حاجة !!
*إتخيلت نفسي زي اللي جادعنّي في كيس
*ده غير إنو ..
*فجأة حسيت بواحد لطشني كف ..
*عيوني إتقلعو .. إتخلعت .. بفتش في منو اللي ضربني لقيتو واحد شبهي تماماً
*أو بالأصح (واحدة) ..
*وما تسألوني عرفت كيف
*المهم .. (الزولة) طلعت نفس (الملامح) والشبه .. ونفش الخرطوش كمان اللي ما عرفت ماشي وين
*وقامت تكورك فيني ..
- هي إنت يأب راساً زي كرة الشراب .. بترفس مالك؟ إنت فاكر نفسك قاعد براك؟ ولا بنات الناس ما بيملو عينك؟
*إستغربت من البت دي جابت اللماضة دي من وين , وبتتكلم معاي كده بتعرفني من وين
*المهم رديت عليها
- ياخي قولي السلام عليكم , بتين فتحنا , تاني حاجة أنا ما قاصد أرفسك , وإنتي شايفة الحتة ضيقة قدر شنو , ياخي لو فرضنا إني غلطت معاك , تقومي تديني كف ؟؟؟
- أيوة عشان تتعلم تتعامل بأدب مع بنات الناس
*في النهاية فتحت ليها وفتحت لأبوها ذاتو .. البت شكلها بتاعت لبط وما عندها شغلة
*تاني أدتني ليك كف ..
- مالك لاصق فيني؟ الحتة دي ما شايلاك ولا فاكرني من بنات الزمن ديل
- يا فتاح يا عليم يا رزاق يا كريم .. يا بنية .. نحن ساكنين في كيس قدرنا بالضبط .. يعني بإختصار ربنا خلقنا لاصقين ببعض لحدي ما نتولد .. أصبري كلها 5 شهور ونتخارج
*قامت قفلت عينها بغرور عجيب .. ولفت ليك راسها كده .. وهو سبيبة واحدة ما فيهو .. صلعة .. الله يديمها عليها دنيا وآخرة
*وبلعت الكف التاني .. وقلت شيل الصبر يا ولد .. كلها شهور شوية وتتخارج
*لكن لو إتخارجت .. طلاق تلاتة .. لا كون متبري منها .. لا اختي ولا بعرفها ..
*وأديتها ليك نومة ..
*وصحيت بعد دقيقتين بس ..
*صحيت على كف (تالت) ..
- إنت يا متخلف .. كيف تسمح لنفسك إنك لما تنوم .. تخت راسك في كتفي؟
*هنا راسي ولّع .. وسخّن .. تلاتة كفوف في أقل من نص ساعة !.. ومن واحدة شعر في راسها ما عندها !!! وتعاين لي كده كأنها (أنجلينا جولي)!!
*وما فكرت .. نفخت يدي اليمين
*ولطشت ليكم تلاتة كفوف ورا بعض لما راسها بقي زي (المسطرينة)
*وقعدت تبكي ... وااااااااااااااااااااااااااااااااااااااااااااع
*وتنبز .... يا عواليق .. يا متخلف .. يا (مريخابي) .... يا ( تم حذف اللفظ) ... يا (تم حفظ اللفظ) .... إلخ ..
*البنية اللي لسة ما ولدوها حافظة ألفاظ سوقيّة .. ولا عند (عبلة كامل) في فيلم (خالتي فرنسا)
*ألفاظ بالعربي .. بالإنجليزي .. بالفرنسي
*المهم ..
*الشقيّة مدورة بكا .. وحالف ما أسكتها ولا أراضيها .. هو الكفيت ده فاكراهو هيّن ولا ليّن
*الشهر الأوّل مشى .. ولسة بتبكي
*الشهر التاني دخل .. ولسة بتبكي
*والصداع ظهر ... ماشي في زيادة .. والملعونة لا بتتهد لا يحزنون
*قلت ليها معليش .. أنا آسف .. حقك علي ..
*أبت عديل .. البت تاخد ليها راحة ربع ساعة .. وبعدها تدور المكنة ووووو ... وااااااااااااااااع في راسي
*أقول ليها الرحمة .. الزولة اللي إنتي قاعدة في بطنها دي هتقتليها
*ولا شغالة بي الشغلة
*الشهر التالت دخل
*الحال في حالو .. وأنا لما بقيت صغير ..
*وهنا قررت إنو أستعمل كل الوسائل المتاحة عشان انتهى من الجحيم ده
*قبلت ليك علي (الكيس) القاعدين فيهو .. ونزلت فيهو شلاليت وبُنية
*قلت ده الحل الوحيد .. الجماعة البرا يفتكرو انو الزولة دايرة تلد .. يقومو يفتحو البطن ويخارجوني من (الآنسة عياطة)
*لكن تأتي الرياح بما لا تشتهي السفن
*الدكتور قال قطع جاف .. بالكستر وبالخشاف
*تنتظر شهرين تاني .. حتى يخارجونا
*وهنا بكيت زي ما (الآنسة عياطة) بتبكي ..
*لانو معناه الكلام ده إنو هأفضل في العذاب ده شهرين تاني
*لكن لأ
*لازم أحارب عشان أعيش
*وقررت أقاتل
*وقبلت على البنت .. ومسكت ليك الخرطوش الطالع منها
*وقطعتو ..
*وهنا وقفت من البكا .. عاينت للخرطوش فترة .. وعاينت لي فترة .. وفكت الكوراكة
* (حرامـــــــــــــــــــــــــــــــــــــــــــــ ــــــــــــــــــــــــــــــــــــــــــــــي)
*وقعدت تصرخ حرامي حرامي حرامي ...
*يمكن إفتكرت إني عايز أسرق (الخرطوم) بتاعها؟؟؟
*ما إشتغلت بيها الشغلة
*فكيت ليك الخرطوش ولفيتو في خشمها ..
*وقعت ألفو وألفو وألفو لحدي ما البنية سكتت
*(الفرحة بكل معانيها .. تجسدت في تلك اللحظة)
*وأخيراااااااااااااااااااااااااااااااااااَ عاد للكيس هدوئه
*ويادوب عيني غمضت بعد سهر شهرين أو أكتر
*ونمــــــــــــــــــــــــــــــــــــــــــــــ ــت
*وصحيـــــــــــــــــــــــــــــــــــــــــــت .. بعد إسبوع خالي من (البكا) و(الكفّيت)
*لكن إستغربت من (صاحبتي) .. نايمة وشكلها حلمانة على آخرها
*قلت بركة يا جامع اللي جات منها
*لكن ...
*يومين عدو .. والزولة نايمة
*إسبوع ..
*إسبوعين .. ولسة ما صحت الحاصل شنو؟
*ما إشتغلت بيها الشغلة ..
*لكن جسمي كش .. وصوتي راح .. لما سمعت دكتور بيتكلم ويقول:- (واحد من التؤام مــــات)
*عاينت للبت (بالبطئ) .. وعيني دايرة تقع من الخوف
*أتاريهو الخرطوش بدل ألفو في خشمها ....
*لفيتو في رقبتها
*طنّشت .. وعملت فيها نايم .. وقريت عليها الفاتحة
*وشلت الخرطوش وقلت أخليهو عندي ذكرى
.
.
.
.
.
.
*(يتبع) ..
*أوّل يوم فتحت فيهو عيني , سألت نفسي أنا وين قاعد ..
*لقيت نفسي قاعد (مكرفس) .. اليدين مكرمشات .. هدوم مافي .. الكوارع مكرفسة .. وحاجات تاني غريبة
*خرطوش بمبي كده طالع من بطني .. ماشي وين ما عارف !!
*المهم .. قدُر ما حاولت أمد كرعيني زي الناس .. يطقشو في حاجة !!
*إتخيلت نفسي زي اللي جادعنّي في كيس
*ده غير إنو ..
*فجأة حسيت بواحد لطشني كف ..
*عيوني إتقلعو .. إتخلعت .. بفتش في منو اللي ضربني لقيتو واحد شبهي تماماً
*أو بالأصح (واحدة) ..
*وما تسألوني عرفت كيف
*المهم .. (الزولة) طلعت نفس (الملامح) والشبه .. ونفش الخرطوش كمان اللي ما عرفت ماشي وين
*وقامت تكورك فيني ..
- هي إنت يأب راساً زي كرة الشراب .. بترفس مالك؟ إنت فاكر نفسك قاعد براك؟ ولا بنات الناس ما بيملو عينك؟
*إستغربت من البت دي جابت اللماضة دي من وين , وبتتكلم معاي كده بتعرفني من وين
*المهم رديت عليها
- ياخي قولي السلام عليكم , بتين فتحنا , تاني حاجة أنا ما قاصد أرفسك , وإنتي شايفة الحتة ضيقة قدر شنو , ياخي لو فرضنا إني غلطت معاك , تقومي تديني كف ؟؟؟
- أيوة عشان تتعلم تتعامل بأدب مع بنات الناس
*في النهاية فتحت ليها وفتحت لأبوها ذاتو .. البت شكلها بتاعت لبط وما عندها شغلة
*تاني أدتني ليك كف ..
- مالك لاصق فيني؟ الحتة دي ما شايلاك ولا فاكرني من بنات الزمن ديل
- يا فتاح يا عليم يا رزاق يا كريم .. يا بنية .. نحن ساكنين في كيس قدرنا بالضبط .. يعني بإختصار ربنا خلقنا لاصقين ببعض لحدي ما نتولد .. أصبري كلها 5 شهور ونتخارج
*قامت قفلت عينها بغرور عجيب .. ولفت ليك راسها كده .. وهو سبيبة واحدة ما فيهو .. صلعة .. الله يديمها عليها دنيا وآخرة
*وبلعت الكف التاني .. وقلت شيل الصبر يا ولد .. كلها شهور شوية وتتخارج
*لكن لو إتخارجت .. طلاق تلاتة .. لا كون متبري منها .. لا اختي ولا بعرفها ..
*وأديتها ليك نومة ..
*وصحيت بعد دقيقتين بس ..
*صحيت على كف (تالت) ..
- إنت يا متخلف .. كيف تسمح لنفسك إنك لما تنوم .. تخت راسك في كتفي؟
*هنا راسي ولّع .. وسخّن .. تلاتة كفوف في أقل من نص ساعة !.. ومن واحدة شعر في راسها ما عندها !!! وتعاين لي كده كأنها (أنجلينا جولي)!!
*وما فكرت .. نفخت يدي اليمين
*ولطشت ليكم تلاتة كفوف ورا بعض لما راسها بقي زي (المسطرينة)
*وقعدت تبكي ... وااااااااااااااااااااااااااااااااااااااااااااع
*وتنبز .... يا عواليق .. يا متخلف .. يا (مريخابي) .... يا ( تم حذف اللفظ) ... يا (تم حفظ اللفظ) .... إلخ ..
*البنية اللي لسة ما ولدوها حافظة ألفاظ سوقيّة .. ولا عند (عبلة كامل) في فيلم (خالتي فرنسا)
*ألفاظ بالعربي .. بالإنجليزي .. بالفرنسي
*المهم ..
*الشقيّة مدورة بكا .. وحالف ما أسكتها ولا أراضيها .. هو الكفيت ده فاكراهو هيّن ولا ليّن
*الشهر الأوّل مشى .. ولسة بتبكي
*الشهر التاني دخل .. ولسة بتبكي
*والصداع ظهر ... ماشي في زيادة .. والملعونة لا بتتهد لا يحزنون
*قلت ليها معليش .. أنا آسف .. حقك علي ..
*أبت عديل .. البت تاخد ليها راحة ربع ساعة .. وبعدها تدور المكنة ووووو ... وااااااااااااااااع في راسي
*أقول ليها الرحمة .. الزولة اللي إنتي قاعدة في بطنها دي هتقتليها
*ولا شغالة بي الشغلة
*الشهر التالت دخل
*الحال في حالو .. وأنا لما بقيت صغير ..
*وهنا قررت إنو أستعمل كل الوسائل المتاحة عشان انتهى من الجحيم ده
*قبلت ليك علي (الكيس) القاعدين فيهو .. ونزلت فيهو شلاليت وبُنية
*قلت ده الحل الوحيد .. الجماعة البرا يفتكرو انو الزولة دايرة تلد .. يقومو يفتحو البطن ويخارجوني من (الآنسة عياطة)
*لكن تأتي الرياح بما لا تشتهي السفن
*الدكتور قال قطع جاف .. بالكستر وبالخشاف
*تنتظر شهرين تاني .. حتى يخارجونا
*وهنا بكيت زي ما (الآنسة عياطة) بتبكي ..
*لانو معناه الكلام ده إنو هأفضل في العذاب ده شهرين تاني
*لكن لأ
*لازم أحارب عشان أعيش
*وقررت أقاتل
*وقبلت على البنت .. ومسكت ليك الخرطوش الطالع منها
*وقطعتو ..
*وهنا وقفت من البكا .. عاينت للخرطوش فترة .. وعاينت لي فترة .. وفكت الكوراكة
* (حرامـــــــــــــــــــــــــــــــــــــــــــــ ــــــــــــــــــــــــــــــــــــــــــــــي)
*وقعدت تصرخ حرامي حرامي حرامي ...
*يمكن إفتكرت إني عايز أسرق (الخرطوم) بتاعها؟؟؟
*ما إشتغلت بيها الشغلة
*فكيت ليك الخرطوش ولفيتو في خشمها ..
*وقعت ألفو وألفو وألفو لحدي ما البنية سكتت
*(الفرحة بكل معانيها .. تجسدت في تلك اللحظة)
*وأخيراااااااااااااااااااااااااااااااااااَ عاد للكيس هدوئه
*ويادوب عيني غمضت بعد سهر شهرين أو أكتر
*ونمــــــــــــــــــــــــــــــــــــــــــــــ ــت
*وصحيـــــــــــــــــــــــــــــــــــــــــــت .. بعد إسبوع خالي من (البكا) و(الكفّيت)
*لكن إستغربت من (صاحبتي) .. نايمة وشكلها حلمانة على آخرها
*قلت بركة يا جامع اللي جات منها
*لكن ...
*يومين عدو .. والزولة نايمة
*إسبوع ..
*إسبوعين .. ولسة ما صحت الحاصل شنو؟
*ما إشتغلت بيها الشغلة ..
*لكن جسمي كش .. وصوتي راح .. لما سمعت دكتور بيتكلم ويقول:- (واحد من التؤام مــــات)
*عاينت للبت (بالبطئ) .. وعيني دايرة تقع من الخوف
*أتاريهو الخرطوش بدل ألفو في خشمها ....
*لفيتو في رقبتها
*طنّشت .. وعملت فيها نايم .. وقريت عليها الفاتحة
*وشلت الخرطوش وقلت أخليهو عندي ذكرى
.
.
.
.
.
.
*(يتبع) ..
